ການກໍ່ສ້າງເຮືອນນອນຊົ່ວຄາວຢູ່ ກອງຮ້ອຍ ຊ່າງແສງ ກອງພັນໃຫຍ່ 402 ສຳເລັດ 60%
ກອງຮ້ອຍຊ່າງແສງກໍ່ສ້າງເຮືອນນອນຊົ່ວຄາວຂອງກອງພົນທີ 4 ໃນວັນທີ 21/02/2024
ໃນວັນທີ 21 ກຸມພາ 2024, ການກໍ່ສ້າງເຮືອນນອນຊົ່ວຄາວຂອງ ກອງຮ້ອຍຊ່າງແສງ ກອງພັນໃຫຍ່ 402 ກອງພົນທີ 4 ໄດ້ສຳເລັດ 60%,
ໂດຍການນຳພາການກໍ່ສ້າງຂອງສະຫາຍ ພັນຕີ ວຽງຄອນ ໂອວັນນາ ຫົວໜ້າຂະແໜງຊ່າງແສງ ພະແນກເສນາທິການ ກອງພັນໃຫຍ່ 402 ກອງພົນ
ທີ 4, ມີຄະນະພັກ-ຄະນະບັນຊາກອງຮ້ອຍ, ໝວດ, ໝູ່ ຕະຫຼອດຮອດພະນັກງານ-ນັກຮົບຮ່ວມແຮງຮ່ວມໃຈຊ່ວຍກັນ. ສະຫາຍ ຮ້ອຍໂທ ໄມສິນ
ກົງປາລີ ຫົວໜ້າການທະຫານກອງຮ້ອຍຊ່າງແສງ ກອງພັນໃຫຍ່ 402 ໄດ້ໃຫ້ຮູ້ວ່າ: ເຮືອນນອນຊົ່ວຄາວ ຫຼັງດັ່ງກ່າວໄດ້ເລີ່ມລົງມີກໍ່ສ້າງນັບແຕ່ວັນ
ທີ 6 ທັນວາ 2023 ເປັນ ຕົ້ນມາ ປັດຈຸບັນການກໍ່ສ້າງບັນລຸໄດ້ 60%, ມີຂະໜາດຄວາມກວ້າງ 6 ແມັດ, ຍາວ 11 ແມັດ, ສູງ 3,50 ແມັດ ລວມ
ມີ 6 ຫ້ອງ, ເສົາເຮັດດ້ວຍໄມ້, ມຸງດ້ວຍສັງກະສີ ລວມມູນຄ່າທັງໝົດ 4.200.000 ກີບ ຄາດກະຈະໃຫ້ສຳເລັດພາຍໃນກາງປີ 2024 ນີ້. ທັງນີ້,
ເພື່ອເປັນການປັບປຸງກໍ່ສ້າງກົມກອງໃຫ້ມີຄວາມເປັນລະບຽບຮຽບຮ້ອຍຈົບງາມຕາມທິດທາງຂອງກົມໃຫຍ່ເສນາທິການກອງທັບວາງອອກ.
ແຫຼ່ງທີ່ມາ: ເພັດດາວວີ ອິນວິທະຍາ
ວັນທີ 27/02/2024